Diosesis Willemstad

na DIOSESIS DI WILLEMSTAD:

E pagina aki ta suplementá e “website” di Diosesis na ingles; www.willemstaddiocese.org/

E Diosesis Katoliko aki ta konsisti di e seis isla den teritorio hulandes, tambe konose komo Netherlands Antilles: Aruba, Korsou (Curaçao), Boneiru (Bonaire), Sint Maarten (St. Martin-Dutch), Statia (St. Eustatius), i Saba. E sede di Obispado ta situa na Willemstad, Korsou. Prefektura Apostoliko di Curaçao a lanta na aña 1752. Na aña 1842, el a bira un Vikariato Apostoliko, i na 28 di Aprel 1958, el bira un Diosesis. Riba dia 28 di Aprel 2008, Diosesis di Willemstad lo selebrá su Hubileo di Oro. Nos ker dediká e wèpsait aki na tur fielnan, koperadoran pastoral, religiosonan, klero i Obispo, nos komunidat henter selebrando su Hubileo i preparando pa e Mishon 2008-2011.

Boto kòrá dor di e testimonio di fe i amor ku ta ekstendé den e streanan ku ta forma e seis isla di nos Diósesis, yen di kandela di Spiritu Santu.
E ta nabegá riba laman Karibe, e tin e bela koló bèrdè di speransa. Hesus ta e sentro i Maria serka Dje, mei mei di Iglesia
Ku e logo aki nos ke ekspresá ku, nos, komo disipel i misionero di Kristu, huntu den e barku riba laman Karibe, nos mester nabegá i duna kada unu nos aporte pa krea un mundu mihó.

"Seis isla, un den Kristu" - ta nos lema.

Logo di DIOSESIS-KATOLIKO DI WILLEMSTAD

na su anja di hubileo 2008.

Dichonan

“Mata kolebra na su cabes”

Dokumentonan

Mensahe di Obispo pa 2010

Written by Administrator
Monday, 04 January 2010
SEIS ISLA UNÍ DEN MISHON Un regenboog di pas i union riba Kòrsou Deseonan di Obispado di Willemstad pa Aña Nobo 2010 Obispado di Willemstad ta yama Dios danki pa Aña 2009 ku a nifiká pa Iglesia katóliko di Antia i Aruba, un aña di trabou pastoral intenso ku implementashon di e Plan Pastoral Mishon 2008-2011 na nivel di tur seis isla. Nos ke gradisí Señor ku a duna nos bida i salú i ku forsa di Spiritu Santu a lanta den tur parokia un deseo di renobashon di nos bida kristian bou di guia di vikarionan den e diferente área i ku sosten generoso di pastor i laikonan. Nos ta drenta aña 2010 ku mas ánimo pa kumpli ku e lema: SEIS ISLA UN DEN KRISTU i SEIS ISLA UNÍ DEN MISHON!. Mirando e desafionan grandi ku Antia tin pa e aña nobo 2010 na nivel estatal, Obispado ta invitá tur mandatario, tur responsabel di sosiedat sivil i tur hende di bon boluntat pa uni den spiritu di amor i solidaridat, pa karga huntu e responsabilidat ku ta warda nos tur. Na kuminsamentu di e aña nobo aki, laga nos tuma e imahen bíbliko di e regenboog ku a marka fin di un momentu grandi di prueba pa humanidat i a duna speransa nobo. Pa Laga e regenboog aki para riba nos Islanan, na un manera partikular riba Antia ku ta yamá pa elekshonnan den e próksimo dianan. Nos ta pidi pa Kòrsou, pa tur partido forma huntu e koló di e regenboog aki i pone Kòrsou sentral. Laga nos pueblo keda protehá pa e regenboog di pas, solidaridat i speransa riba futuro. Un regenboog ku ta nifiká un Aliansa Nobo entre Dios i hende, entre tur e partidonan, entre gobièrno i sosiedat sivil, entre nos tur ku ta kere den Dios i den Hesukristu den e diferente denominashon i religion ku nos ta profesá. Ku Señor Hesus ku a bini na mundu pa mustra e amor ku Dios tin pa hende uni nos tur komo ruman, sin diferensha di kredo, resa i nashonalidat. Un Felis i Bendishoná Aña 2010 bou di e regenboog di tur e kolònan ku ta forma e diferente partido, gremio i rikesa religioso i kultural ku ta forma nos pueblo. I Bendishon di Dios todopoderoso Tata, Yu i Spiritu Santu baha riba boso i keda semper ku boso. AMEN!
Read more...

Ki tin den notisia?

Written by Administrator
Thursday, 17 April 2008
Bishita “Ad limina Apostolorum” Manera a anunsiá den e siman di Pasku di Resurekshon, mi mester a bai Roma pa e bishita “Ad limina Apostolorum” huntu e otro obispunan ku ta pertenesé na Antilles Episcopal Conference (AEC). Segun tradishon den Iglesia Katóliko, kada sinku aña tur obispu di mundu katóliko, aktualmente nos ta mas 5000, ta bai huntu ku demas miembro di su Konferensha Episkopal, den un sorto di peregrinashon pa bishitá Sede Apostóliko. E peregrinashon aki ta inklui un enkuentro personal ku Papa, un oudiensia di tur e obispunan ku ta forma e Konferensha Episkopal, den nos kaso nos tabata 15 obispu, bishita na diferente dikasterio òf komishonan ku ta yuda Papa den e tarea di guia henter Iglesia katóliko rònt mundu, i alabes nos a selebrá Misa den e luganan mas importante i mas santu di Iglesia katoliko, manera e tumba di Apòstelnan Pedro i Pablo, i na Basilika di Sta. Maria Mayor.
Last Updated ( Sunday, 20 April 2008 )
Read more...

Kalènder

Evento pendiente

na DIOSESIS DI WILLEMSTAD:

Dichonan

Dokumentonan